周星馳開金口問網民出NFT意見 「我係藝術家就唔好話畀人聽」

數碼及實體收藏品創作平台 FWENCLUB 與西班牙藝術家Joan Cornellà周三 (3月16日) 重磅推出其首個NFT系列《MOAR by Joan Cornellà》， 備受全球注目，其中一個傳奇NFT作品驚現周星馳（星爺）在電影《國產凌凌漆》中阿漆的經典角色，相信Joan絕對是星爺的重量級影迷。今日周星馳為這次NFT作品特別舉行網上粉絲交流會，周星馳雖然沒有露面，但全程不失他的搞笑風格，笑聲不斷。

同場加映：ERROR嫌新歌點擊率未達標 笑斥MIRROR出歌出得太密

{{hket:ul-video id="5428"}}{{/hket:ul-video}}

周星馳涉足NFT激罕出山對談 《國產凌凌漆》造型驚現藝術品【下一頁】

{{hket:inline-image name="3a_AMA.png"}}{{/hket:inline-image}}

周星馳甫開場跟大家打招呼：「大家好，大家好，好耐冇見！」提到今次西班牙藝術家Joan Cornellà用上他《國產凌凌漆》中阿漆的經典造型推出NFT，並送予給周星馳作為紀念，問到Joan Cornellà會否是星爺粉絲？他說：「好明顯啦，應該細細個睇我戲，係我粉絲嚟喎！多謝聲佢先！」主持人問到NFT對作為創作人的他有何意義，星爺發揮「無厘頭」本色搞鬼回應說：「你當我係創作人？我唔係藝術家咩？不過咁，我係藝術家就唔好話畀人聽，唔好話畀人聽因為唔講都知就無謂多講啦！冇理由話：『周生你係男人呀嘛！』」星爺補充指NFT認證到版權對創作人而言意義重大，他表示第一個NFT早於2014年由電影產生，所以自己跟NFT關係都非常密切。「我睇完《Matrix》就覺得呢個咪元宇宙囉，呢個係好有討論性，（你會唔會創造自己一個元宇宙？）咦？我以為自己一路做緊，我一路拍緊戲，某程度上都係一個元宇宙概念，但係而家元宇宙會結合埋NFT等所有技術，好好玩。」

同場的創意品牌AllRightsReserved 及FWENCLUB 創辦人 SK Lam表示今次《國產凌凌漆》造型的NFT亮相後，有不少人已經期待出公仔，星爺說：「你唔係送好多畀我咩？坦白講，如果我出NFT，你好似有啲諗法，你有冇意見畀我呢？我咁多角色做邊個好呢？」SK答《食神》，星爺笑問：「《食神》入面邊個先？有如花呀喎，睇你個樣應該對如花興趣大喎！」現場的朋友留言都說《百變星君》造型之多，絕對可以做NFT。

傳因片酬反目｜細龜黃一山拆解星爺李修賢不和始末 「好多人話佢哋勢成水火」【下一頁】

星爺被問到閒時的藝術收藏，他說：「都好多，例如畢加索、梵高啲畫......嘅相，我都貼到成屋都係，所以NFT個重要性就喺度，我就一定買唔起畢加索同梵高啲畫，但如果NFT切開切開一萬分，我都有啲機會喎！」提到星爺畫功一流，在《美人魚》中都有露兩手，會否將自己的畫作成為NFT？他說：「我畫公仔好叻，真係唔好講笑，唔好話畀人聽！切一千塊都有人要！」

對談環節原本大約半小時，由於期間多次出現聲效的技術問題，對談要中斷，直至最後的問答環節，多次連接不到，令粉絲跟星爺對話無法成真，期間周星馳顯得有丁點不耐煩，他說：「雖然我有個好重要既會要開，都可以，睇下大家問咩。」但最終Server不穩未能成事，最後一條由主持人問星爺有沒有收藏NFT，星爺沒有正面回應，只說：「嗯......陳生（星爺團隊的職員）你話畀佢哋聽！」陳生表示這個問題有關私隱，故不正面回應，但收藏是有的，亦有需要。最後主持人問星爺有沒有問題問網友，他說：「問大家萬一我出NFT，出乜嘢NFT呢？收集下大家意見都好！」

{{hket:inline-image name="800_b34dba0af69e26fc21f7d22ecc1736b3saasftp20200221.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉